2015年6月30日 星期二

手辦上色 教學 (露底少女)

男人的浪漫 之 (美女手辦模型)


上篇講到我跛腳,但病情比想像中嚴重 一休就成個月,呢段日子日日食完就訓,打完機就打飛機.....
再咁落去我怕會精盡人亡,不如寄情於其它興趣,買D模型砌下轉移一下自己視線.....於是上 淘寶 淘左(高達,車,同埋 軍事模型)


當然,上得淘寶買野就預左質量唔方好得去邊,不過又唔撚係買成人玩具,所以無乜所謂啦,純粹消磨下時間


之後打開床下底封塵嘅工具,發覺有幾盒美女手辨原封未砌,醒起係我 N年前買落嘅心愛珍藏.....屌!咁不如砌女先啦!





因為我知圍內都有唔少朋友(包括X哥)對模型有興趣,但又未必個個都好了解玩法,橫惦有時間我盡量寫詳細D(事先聲明我都唔專業得去邊),純粹分享下





1:6 (實物約26CM高) 白件,呢件好明顯係複件,但出模都算唔差,打磨 補土 組裝處理上應該相對容易 


有玩開人形手辦都應該聽過 吉沢光正 呢個大名,佢係我十分欣賞嘅原形師,今次尼盒 露底少女 ,就係出自佢手筆,廢話少講,開工砌女!








 手辦上色 制作過程 大概可分為  

1.)打磨  2.)鑽孔 插銅支   3.)補土   4.)噴灰  5.)貼遮蓋紙/上色  6,組裝 / 完成  


(次序步驟有時會唔同)








 1.打磨


先將大舊嘅多餘野剪去(小心剪多左),剪到咁上下 開始用小型打磨機打磨,到咁上下再用1200CW 幼嘅水磨沙紙作最後打磨


如果無打磨機嘅朋友,其實直接用水磨沙紙打磨都得,留意要先用粗沙紙,再用幼沙磨(600CW-1200CW 號數越大沙紙就越幼細)一般五金店都買到












首辦模型


2.鑽孔接銅支


簡單黎講 就係將零件接駁定位,因為就咁黐膠水會唔穩陣,而且接上銅支組裝 可以先 睇睇效果,改動時比較靈活












 3.補土畢地

畢地其實有好多種,固體畢地主要係修補模型凹凸既地方,或者填補接縫 空隙,補完後再用沙紙打磨,上色後就唔覺有痕跡



畢地


 自制 臨時 山寨抽風機.....


山寨抽風機


 4.)噴灰


噴灰其實都係用畢地(液體畢地),點解要噴一層底灰呢,有D人話對上色深淺有影響 乜春春之類,我就覺得主要原因係上色時候,會貼遮蓋紙,如果唔噴一層底灰(水畢地),貼完一撇就好易將D色黐左係遮蓋貼紙到,保證有想死感覺



因為手辦物料比較特別(唔同塑膠模型),上色時如果噴層水畢地打底,會大大增加顏色同手辦之間嘅 附著力,即係無咁易掉色









手辦模型 教學





 5.)貼遮蓋紙/上色


如果件野有多層次顏色(例如:身體),上色一般都係由淺到深,但如果其它野,需要噴高光,白色會留到最尾噴,所以上色由淺到深 定 由深到淺,好視乎你噴乜,同埋想要乜效果


遮蓋紙用法都係用手貼.....遮蓋唔想上到色嘅位置,就好似填色唔好填出界咁上下,用噴筆上色一定會用到








 我懶 肉色只噴兩層(淺黃/深肉),因為底色有層白畢地,層次上已有3種顏色

 簡單上左少少色,出黎效果已經好唔錯,咁耐無玩手感可以咁好,真係天才!





 話口未完,膝頭 出手重左,修補需要重覆之前上色嘅步驟,而且溝出黎嘅顏色唔可以有偏差,所以都幾麻煩.....




 如圖失敗例子,補色 有少少色差,因為面積唔大,廢事越補越錯,其實睇落唔多覺



 之後覺得 屎忽 陰影好似唔係好夠,於事補多少少,點知噴筆 (吱一聲) 噴左達水積係個屎忽到.....心唸唔撚係下嘛!




 仆街原來自己犯左個低級錯誤,水隔出入口位置 插錯方向,所以隔唔到水氣嘅積水......





 之後好唔容易修補番個屎忽,其他部件都陸續上色.....

















人型手辦最難處理嘅部份,莫過於塊面對眼,因為要係幾 MM 面積,畫出有神緒嘅瞳孔其實唔容易,如果出錯修復係更加困難


有見及此,坊間出現左 眼睛水貼 ,畫乜春,直接貼上去 快靚正 ,其實呢門技術一早已經係 PVC (已上色)人偶 使用 


(自己係淘寶 搜尋 眼睛水貼 好易搵到) 


我無買水貼 又懶得去等,於是信心十足 手油上陣,一TAKE 過 出黎效果唔算太差,但對眼好似有少少 大細超.......



手辦模型 教學







制作步驟好多時需要視乎情況,所以唔好 墨守成規.....(如圖先噴後補補完又再噴.....)




手辦模型 教學


總算完成一件劣作,雖然完成品有好多暇疵,但睇落都唔算太差,重點係我都幾享受個制作過程.....



手辦模型 教學



要睇大師級作品,直接上 吉沢光正 個人網頁自已睇,你就明白乜撚叫勁揪!
吉沢光正 網頁:    http://mitumasa.com

 
另外,唔想自己動手上色嘅朋友,都可以直接買 PVC 已上色版本,質素當然係 眼見為實(一般一千蚊有找)


完成 露底少女 之後,我就順手噴左 淘番黎嘅(疑似老翻)高達頭像,整理一下再同大家分享,下篇再講








上一篇內容 :  深圳 水立方 邪骨


下一篇內容 : 男人的浪漫 之 (高達模型)


5 則留言:

  1. 都好複雜吓,你真有心機,可惜模型幾靚都好,都係得過睇字

    回覆刪除
    回覆
    1. 你識條鐵? 手辦梗係用黎睇,你估充氣MARY咩?

      刪除
    2. 哈哈, 吹氣公仔 岩我多啲,有得睇又有得吊

      刪除
  2. SEND D咸網益大家la!!

    回覆刪除
    回覆
    1. 我得閒整理下 POST 個 LIST 出黎 XD

      刪除